Eventos

I Xornada "A saúde en todas as políticas"

Volver

04/10/2016 as 09:01

ESCOLA GALEGA DE ADMINISTRACION PUBLICA (EGAP) Santiago de Compostela (A Coruña)

I XORNADA A SAÚDE EN TODAS AS POLÍTICAS O SEU DESENVOLVEMENTO NO ÁMBITO LOCAL

 A  Xunta de Galicia, a través da Consellería de Sanidade e da Secretaria Xeral para o Deporte, e a Federación Galega de Municipios e Provincias (FEGAMP), organiza  a I Xornada A saúde en todas as políticas. O seu desenvolvemento no ámbito local”que se celebrará o vindeiro 4 de outubro en Santiago de Compostela. Achégoche o seu programa provisional.

O obxectivo da xornada é pór en valor as políticas e accións doutros sectores diferentes ao sanitario que teñen un impacto en saúde. O sector saúde non pode traballar de maneira illada senón que son necesarias abordaxes intersectoriais que coordinen as intervencións que poidan ter repercusión na saúde, o benestar e a calidade de vida. Neste senso, o ámbito municipal adquire unha importancia capital por seren o máis próximo á poboación e por ter os Gobernos Locais competencias en políticas con influencia directa na saúde da poboación (urbanismo, cultura, deportes, seguridade,...). Asemade a coordinación de servizos a nivel local produce sinerxías moi efectivas para gañar saúde.

 

A xornada está dirixida ás persoas con responsabilidade política e técnicos das corporacións municipais, deputacións e administración autonómica que traballan en áreas con impacto na saúde (sanidade, medio ambiente, deporte, infraestruturas, transportes, servizos sociais, educación,...). Tamén estará aberta aos representantes dos Grupos Parlamentarios, así como aos membros da Comisión de Sanidade.

 

A xornada celebrarase en Santiago de Compostela, na Escola Galega de Administración Publica (EGAP). A participación na xornada será gratuíta e a súa admisión será por rigorosa orde de inscrición. A inscrición farase on-line na URL http://www.sergas.es/Saude-publica/Xornada-Saude-en-todas-as-politicas.

Tipo de evento: Xornada
Dirixido a: Profesionais