Premio ao mellor centro educativo na gala dos premios DEPORTE GALEGO no ano 2013. O Ceip Doctor Lopez Suarez de Friol é un dos centros de referencia dentro do ámbito educativo do Plan Galicia Saudable, participanto en todas as iniciativas e programas desenvolvidas no Plan, se sendo además o centro piloto de DAFIS.

Proxecto integral do C.P.I. Progreso de Catoira, desenrolado ao amparo do Plan Proxecta, con participación en PDC, DAFIS, talleres de alimentación saudable, etc.

Premio no ano 2014 na gala dos Premios Deporte Galego  ao mellor centro educativo na categoría GALICIA SAUDABLE / CENTROS EDUCATIVOS,  PDC do CPI de Pontecesures  contempla unha ampla batería de actividades e medidas de promoción da actividade física, como recreos activos, concurso de mascota activa para o centro educativo, configuración dun mapa de recursos para unha vida activa e saudable, premios ALUMNO INTEGRAL, contacto cos clubs da zona para a organización de actividades, semanas blancas, etc.   

O CEIP Barrie de la Maza leva participando dende o inicio no Proxecto Deportivo de Centro, a través do Plan Proxecta, incluíndo outras actividades/programas como DAFIS, MOVETE+, Xogade, e tendo iniciativas innovadoras como as “Votacións democráticas para a organización dos recreos activos”.   

Se buscas como mesturar a música coa promoción da actividade física, o IES Xograr Afonso é a túa referencia, música, baile e actividade física configuran o seu PDC .  

Completísimo PDC o levado a cabo no CPI de Pontecarreira, incluíndo enquisas de hábitos de actividade física para avaliar o seu percorrido, e que no ano 2015 incorporou, dentro da súa programación, a valoración da condición física para a saúde a través da Plataforma DAFIS. 

No IES de Melide estamos a traballar de maneira interdisciplinar para que coides a túa saúde. Farás cálculos, mellorarás o teu “vocabulary”, suarás a camiseta… Pero sobre todo, terás moitos motivos para facer unha vida saudable.
Necesidade dun concepto amplo de saúde
A Promoción da saúde diríxese á mellora as competencias en saúde das persoas, pero tamén a mellorar o contorno e a sociedade na que vivimos.