Deseña e planifica o teu Plan Local de Fomento de Actividade Fisica, xestiona os teus eventos, elabora dossiers informativos e memorias dos mesmos, e elabora calendarios de toda a túa actividade deportiva e de promoción do exercicio físico para compartir en rede.

Baseado nunha composición musical e coreográfica orixinal, “Movete+” é o himno do Plan Galicia Saudable. “Movete+” é unha proposta para toda a poboación galega para  promover, a través dunha acción de carácter lúdico, transversal e divertida, a actividade física  no día a día. Segue a nosa Canle en Vimeo Móvete + e descargas as guías didácticas na zona de descargas desta web.

Date de alta como xestor externo e sube o teu recurso de promoción de actividade física, exercicio físico e deporte. Galicia Activa é o mapa interactivo de recursos xeorreferenciados para  unha vida activa que construimos entre todos día a día.

O todo vale, a ausencia de ética e de autoridade, o xogo sucio, o desexo de ser o mellor a calquer prezo, o sexismo e o machismo, o individualismo, a violencia… Liberar ao deporte destas condutas e actitudes, definir unha cultura deportiva en positivo, un deporte que, en definitiva, constrúe unha vida activa e mellor, son os obxectivos deste traballo. Nel encontrarás fórmulas  de achegamento aos valores do deporte e á súa función social e educativa, encontrarás en definitiva estratexias coas que adentrarte na esencia do feito deportivo: o deporte como ferramenta óptima para educar en valores.

A través dun acordo de colaboración coa Fundación Mapfre, Galicia Saudable pon a disposición dos centros educativos unha serie de actividades  lúdico - formativas baseadas na vida activa e saudable, con documentación en varios idiomas e para os ciclos de primaria e secundaria.

A Plataforma DAFIS (Datos de Actividade Física Saudable) é unha ferramenta elaborada, en colaboración co COLEF- Galicia,  ao amparo do PLAN GALICIA SAUDABLE, para facilitarlle aos e ás profesionais do ámbito da actividade física e do deporte a valoración da condición física en parámetros de saúde dos seus alumnos/as, deportistas e da cidadanía en xeral que participa de iniciativas vinculadas á práctica de actividade física, o exercicio físico e o deporte.

A Consellería de Sanidade traballa para a promoción da saúde da poboación galega e na cal a alimentación xoga un papel fundamental. O seu programa Xente con Vida axudache a seguir unha alimentación saudable e equilibrada, combinación ideal co teu novo estilo de vida activo.

"A saúde é un estado de completo benestar físico, mental e social, e non soamente a ausencia de afeccións ou enfermidades". Consulta na páxina da OMS publicacións, programas e proxectos de loita contra o sedentarismo e a obesidade.

Sigue, alí onde estes, as últimas novidades de Galicia Saudable. Date de alta no noso boletín on-line.